Britney é inconsciente / Fausto Alzati

Tradución de Nora Viéitez e Abdulah Jaber

20 páxinas / Prezo: 2 €

QUEN É BRITNEY SPEARS? Un reflexo? Unha pantasma? Un deva empoleirado no reino dos deuses búdicos, tal e como suxiere Fausto Alzati? En calquera das preguntas latexa unha cuestión de fondo: Até onde a nosa «individualidade», a día de hoxe, no show mediático en que se converteu Occidente, ten sentido, é dicir, existe? ¿Podemos pensar que Britney Spears, como espello dunha psique escindida / integrada no balbordo das experiencias fenoménicas exteriores (anonadantes, alienantes, pasmóticas) é un bodhisattva mediático que, na súa terríbel condea de estar presa á roda constante das encarnacións e da ignorancia, nos mostre a patética situación na que o noso ser vive, cegos á verdade fundamental da impermanencia e da inmanencia de todo? Con este aire entre bufonesco e serio, o noso amigo Fausto Alzati preséntanos un breve ensaio a cabalo entre a psicanálise lacaniana, o pensamento de Slavok Zizek e a contundente presencia da diva das novas xeracións. Refrescante perspectiva dun universo tan baleirado de sentido que calquera cousa vale… Non é?… «It’s Britney, bitch!».

Descargar Capa Descargar PDF Mercar

IMAXES DE BRITNEY